Ordu.az “The New York Times” nəşrinə istinadən xəbər verir ki, bu barədə ABŞ prezidenti Donald Tramp bəyan edib.

Tramp etiraf edib ki, Pekinlə KXDR-in nüvə-raket proqramının sonlandırılması üçün ticarət sahəsində yardıma ümid etməklə çox həlim davranıb.

“Şimali Koreyaya neft daxil olur. Mən belə razılaşmamışdım”, - deyə Tramp səsini yüksəldərək bildirib.

ABŞ prezidenti KXDR-in Çinin özü üçün də təhlükəli olduğunu qeyd edib.

“Əgər Çin bizə Şimali Koreya ilə bağlı kömək etməsə, mən dəfələrlə xəbərdarlıq etdiyim kimi davranacam. KXDR-dən nüvə təhlükəsi daxil olur və bu, Çin üçün yaxşı heç nə vəd etmir”, - deyə Tramp vurğulayıb.

Ağalar Qəribov
Ordu.az